Мұрат Әбенов "Зияткер ұрпақ" жобасын Қызылорда облысында жалғастырды.

14 қазан күні «Зияткер ұрпақ» жобасы аясында қоғам қайраткері, «Өрлеу» Акционерлік Қоғамы, Ұлттық Компаниясының Директорлар Кеңесінің Төрағасы – Әбенов Мұрат Абдулламитұлы өзі өмір жолын бастаған, туған өлкесі - Қызылорда облысы, Жаңақорған ауданына қарасты, «Төменарық» ауылындағы мектепте жоғары сынып оқушыларымен кездесті.

Ең алдымен Мұрат Әбенов сағ 10.00-де А.Д. Романов атындағы №53 орта мектебінде 11-сынып оқушыларына арнап информатика пәнінен ашық сабақ өткізді. Сабақтың мақсаты: қазіргі таңда заманауи ағымындағы ақпараттық технологияларды қолданудың қыр-сырымен және өзінің осы саладағы мол тәжірибесімен бөлісті. 

Сонымен қатар, сағат 11.00-де «Төменарық» ауылындағы екі мектептің 10 және 11-сынып оқушыларын біріктіріп, «Зияткер ұрпақ» жобасының мақсаты жайлы жəне "Мəңгілік Ел" ұлттық идеясының маңызын айтты.