Қазақстанда ресми онлайн-петициялар институты құрылуы мүмкін
Жергілікті деңгейдегі мәселе болса 5000 дауыс, ал Үкімет немесе Парламент деңгейінде талқыланатын өтініш болса, 15000 дауысқа ие болуы тиіс. Тек осыдан кейін ұжымдық өтінішке құзырлы органдар 30 күн ішінде жауап беруге міндетті болады. Айта кетейік, ұлт араздығын тудыратын немесе заңға қайшы петициялар үкіметтік порталға қабылданбайды.
Данат Жұмин, «Қазақстан 2050» Жалпыұлттық қозғалысының төрағасы
-Біз Америка Құрама Штаттарының, Финляндия, Германия, Ұлыбритания, Ресей, Украина және басқа да онлайн-петиция институты енгізілген мемлекеттердің тәжірбиесін зерттеп көрдік. Мұндай жүйедегі өтініштер екі жаққа да тиімді. Үкімет халықтың көкейінде жүрген өзекті мәселелерден ресми түрде хабардар болса, халық өз сауалына тиісті деңгейдегі органнан жауап алатын болады. Біздің жоба мемлекет тарапынан қолдау табады деген ойдамыз.
Источник: http://khabar.kz/kz/news/kogam-kz/item/59092-aza-standa-resmi-onlajn-petitsiyalar-instituty-ryluy-m-mkin