Қозғалыс жұмысының негізгі бағыттарының бірі – «Қазақстан-2050» Стратегиясының негізгі құндылықтарын, идеологиясы мен міндеттерін іске асыру жолында барша қоғамды жұмылдыру. Елбасы Н.Ә. Назарбаевтың 2012 жылғы 14 желтоқсандағы Қазақстан халқына Жолдауында « Жемқорлық – жай құқық бұзушылық емес. Ол мемлекеттің тиімділігіне деген сенімді сетінетеді және ұлттық қауіпсіздікке төнген тікелей қатер болып саналады» атап өткен болатын. Қозғалыс қазіргі таңда санаға сіңіп кеткен қоғамға жат сыбайлас жемқорлыққа төзбеушілік жағдайын қалыптастыру және оған қарсы мінез-құлық үлгісін құру, Заңның үстемдігі сияқты бірқатар жобаларды іске асыруды жоспарлап отыр. Осы бағытта Қозғалыс жас режиссер Сәкен ЖОЛДАСПЕН бірлесе әлеуметтік бейнеролик түсіріп, оны әлеуметтік желілерде, отандық және шетелдік бейне-порталдарда, БАҚ-да, кинотеатрларда, т.б. орындарда көрсетуді көздеп отыр. 

Қолға алынған жоба өз мәресіне жетіп, 2014 жылдың 5 қарашаcында Kinopark 7 астаналық кинотеатрында «Қазақстан 2050» Жалпыұлттық қозғалыстың белсенділері түсірген «Жемқорлықсыз өмір» қысқаметражды фильмінің премьерасы өтті.

Фильмді түсіруге «Қазақстан 2050» Жалпыұлттық қозғалысы белсенділерінің қоғамдағы сыбайлас жемқорлыққа қарсы көңіл-күйді қалыптастыруға деген ниеті түрткі болды. Туындының режиссері Қозғалыс белсендісі, киносүйер қауымға «Он и Она» фильмі арқылы жақсы таныс дарынды режиссер Сәкен Жолдас. Сыбайлас жемқорлыққа қарсы HD форматындағы алғашқы бейнеролик Барселонада (Испания) көркемделіп, Сеул (Оңтүстік Корея) мен Лондонда (Ұлыбритания) дыбысталған. 

«Жемқорлық дегеніміз жәй ғана мәселе емес, бұл ел болашағына төнген үлкен қауіп. Сотталулар, қатаң сот үкімі әрине, маңызды, бірақ олар бұл түйткілді толығымен шеше алмайды. Мәселен, Қытайда, пара үшін ату жазасына кесіледі, бірақ парақорлық бұл елде жойылып кеткен жоқ. Адамдар қорыққанмен, ұрлауын тимай келеді. Сондықтан, жемқорлықтан құтылудың амалы, тек оған әкеліп соқтыратын жағдайларды болдырмау. «Қазақстан 2050» Стратегиясында бұл мәселе тігінен қойылған және олар шешілуде. Алайда, тек мемлекеттік органдар ғана емес, бұл жұмысқа бүкіл қоғам болып жұмыла, кірісуіміз керек. Ең алдымен бұл үшін халықтың бойында жемқорлыққа деген жиіркенішті туғызуымыз керек. Адал болып, елге қызмет етіп, өз күшіңмен еңбек ету зор беделге ие болуы тиіс. Елбасы да бізді осыған шақырады, бұл келешегімізге де керек», деп «Қазақстан 2050» Жалпыұлттық қозғалысының Кеңес төрағасы Данат Жұмин атап өтті.

«Жемқорлықсыз өмір» фильмі екі бірдей Kinopark кинотеатрында көрсетіледі, сондай-ақ, ғаламторда, қозғалыстың ресми YouTube арнасында және әлеуметтік желілерде жарияланады. Қозғалыстың белсенділері ең алдымен жастарды жемқорлықсыз өмір сүруге шақырғысы келеді.