«I-Azamat» жобасының мақсаты мемлекеттік қызмет көрсету сапасын қоғамдық бақылауға азаматтарды тарту. Пилоттық жоба елордада жүзеге асырылуда, оған жетпістен астам адам тартылады деп жоспарланып отыр.  Табысты жүзеге асып, өз тиімділігін көрсетсе, жоба Қазақстанның өзге қалаларында да жалғасын табады.

Жоба мақсаты:

Жобаның мақсаты – мемлекеттік қызмет көрсетулердің тиімділігіне баға беруде тұрғындардың сын сүзгісінен өткен өзіндік көзқарасын қалыптастыру және сапасыз мемлекеттік қызмет көрсету/әлеуметтік бағдарламалар мәселесін шешу үшін қажет ақпараттармен азаматтарды қамтамасыз ету.

Міндеті:

- мемлекеттік қызметтерді ұсыну саясатын жетілдірудегі өзекті мәселелерді талқылау;

- мемлекеттік қызмет көрсету саласындағы жекелеген аспектілерге қатысты ортақ пікір мен талап етілетін өзгерістерді анықтау;    

- пікірталасты қорытындылау, көрсетілетін мемлекеттік қызмет сапасын жақсарту бойынша ұсынымдар дайындау. 

 Күтілетін нәтиже:

- тұрғындардың мемлекеттік қызмет көрсету туралы сауаттылығын арттыру;

- мемлекеттік қызмет көрсету саясатын жетілдірудегі өзекті сұрақтарды талқылау;

- пікірталасты қорытындылау, көрсетілетін мемлекеттік қызмет сапасын жақсарту бойынша ұсынымдар дайындау.

- мемлекеттік қызмет көрсету сапасын бағалауға бұдан әрі де қатысатын белсенді азаматтар тобын құру.